Napoletanità

Dint’ ‘o dizionario nun ce stà

Però se ne fa assaje abuso

Tanta cosa po' significà

A secondo ‘e chi ne fa uso

 

Ma sultant'una è chella vera

Chella proprio d’ ‘o detto antico

Saggezza ‘e nu popolo intero

Ca cunsiglia comm’ a n’amico

 

E’ ‘a ricerca d’ ‘a felicità

E pure mmiezo affanne ‘e stiente

Valore, curaggio e dignità

 

Vuo’ sapè ‘a Napoletanità?

Nun credere ch'è cos’ ‘e niente

Chest'è ll’arte d’ ‘o ssapé campà!

 

                                                     Stefano Serino 

Poeta

Inizia a scrivere il termine ricerca qua sopra e premi invio per iniziare la ricerca. Premi ESC per annullare.

Torna in alto