ATTENZIONE! La tua versione di Microsoft Internet Explorer è obsoleta e potrebbe compromettere la tua corretta navigazione. Aggiornala adesso!

Napoletanità

 

Dint’ ‘o dizionario nun ce stà

Ma se ne fa assaje abuso

E tanta cosa po' significà

A secondo ‘e chi ne fa uso

 

Ma una sola è chella ‘o vero

Chella d’ ‘o detto antico

‘A saggezza ‘e nu popolo intero

Ca te cunsiglia comm’ a n’amico

 

E’ ‘a ricerca d’ ‘a felicità

E pure mmiez’ ‘e stiente

Cu ‘e valore, curaggio e dignità

 

Vuo’ sapè ‘a Napoletanità

Nun è cos’ ‘e niente

E’ ll’arte d’ ‘o ssapé campà

 

 

                                                              Stefano Serino